09:52 / E Enjte, 21 Janar 2021 / A. S

Njihuni me familjen më të rëndësishme në botë

Presidenti Joe Biden dhe nënpresidentja Kamla Harris nuk ishin të vetmit në familjet e tyre që morën tituj të rinj në ceremoninë e betimit, më 20 janar.

Nipërit dhe mbesat e presidentit dhe fëmijët në familjen e Harris luajtën një rol të rëndësishëm në fushatat elektorale të tyre.

Nipërit dhe mbesat e Bidenit ishin ata  që e informuan se gara presidenciale ishte në favor të tij, tha një burim nga fushata për CNN-in.

Bideni dhe Harrisi ishin të shoqëruar nga familjet e tyre të mëdha ditën e djeshme për pjesën më të madhe të ditës.

Familja e presidentit do të ketë një tavolinë brenda Zyrës Ovale të mbushur me foto të fëmijëve dhe nipërve e mbesave të Bidenit, përfshirë një foto të presidentit kur ishte i ri duke mbajtur djalin e tij Beau, i cili vdiq, më 2015 në moshën 46 vjeçe.

Naomi Biden, 27 vjeç është emëruar pas tezes së saj të ndjerë, vajzës së presidentit Biden. Gjatë fushatës së gjyshit të saj ajo ndau mendimet e veta mbi politikën, duke ofruar një vështrim të brendshëm në jetën e “pop-it” (gjyshit)  të saj.

Finnegan Biden shpesh u bashkua me gjyshin e saj në fushatën elektorale, veçanërisht gjatë zgjedhjeve paraprake. Ajo u emërua pas nënës së presidentit.

Maisy Biden, motra e  vogël e Naoimit dhe Finneganit është mjaft aktive në aplikaconin e mediave TikTok. Siç ka thënë presidenti ajo është shoqe e mirë me vajzën e ish-presidentit Obama.

Natalie Biden, vajza e të ndjerit Beau Biden mori një sërë lavdërimesh për pallton e saj rozë që kishte veshur në ditën e përurimit. Ajo ka një numër të madh ndjekësish në TikTok dhe gjatë një video ajo foli për zakonin e gjyshit për të ngrënë akullore fshehur që gjyshja ime të mos e shohë.

Robert Hunter Biden është nipi më i madh i presidentit dhe djali i të ndjerit Beau Biden. Ai u shfaq në një video bashkë me motrën dhe kushërinjtë e tij duke bërë betimin e aleancës.