Njohja e Kosovës nga Izraeli tërboi serbët:Për ta më e rëndësishme është Amerika sesa e drejta e Serbisë

Ministri i Punëve të Jashtme të Serbisë, Nikola Selakoviq, deklaroi se fakti që Izraeli ka vendosur marrëdhënie diplomatike me Kosovën kjo do të ndikoj në marrëdhëniet midis Serbisë dhe Izraelit.

Me atë rast, tha se ai nuk ishte as i lumtur dhe as i kënaqur për shkak të kësaj.

“Vetë Izraeli ka zgjedhur që interesi i tij për lidhje me Amerikën është më i rëndësishëm për të, dhe ajo që është e rëndësishme për Amerikën sesa Serbia dhe e drejta e tyre legjitime. Ajo që është e rëndësishme është që ne të mos marrim pjesë në atë proces, sepse presidenti Vuçiq nuk pranoi të nënshkruante një ftesë për Izraelin për të njohur të ashtuquajturën Kosovë dhe anasjelltas”, i tha Selakoviq Radios dhe Televizionit Serb.

Ai tha se është shumë interesante të shihet nëse do të ketë vende myslimane dhe arabe që do të njohin Kosovën, duke shtuar se është i bindur se nuk do të ndodhë dhe se do të jetë shumë e vështirë që të ndodhë kjo.

“Ne kemi bërë përpjekje serioze në marrëdhëniet me Izraelin në vitet e fundit, në marrëdhëniet midis dy kombeve dhe nuk jemi të lumtur për këtë. Duhet të zbatohet pjesa tjetër e marrëveshjes midis Serbisë dhe Amerikës, të përfunduar në Uashington,” tha Selakoviqi.

I pyetur se kur Serbia do të hapë një ambasadë në Jerusalem, ai u përgjigj “dikur”.

“Vuçiqi tha qartë në Uashington se varet procesi dhe si do të zhvillohet në të ardhmen”, tha Selakoviqi.