Numër rekord njerëzish deklarojnë se janë pjesëtar të komunitetit LGBT në SHBA

Një rekord prej 5.6 për qind e amerikanëve ose 18 milionë njerëz identifikohen si homoseksualë, leszike, biseksualë ose transgjinorë, sipas një sondazhi të Gallupit.

Kjo rritje e konsiderueshme i atribuohet pranimit më të madh të komunitetit LGBT + në shoqëri. Kjo është një rritje prej 24 për qind, krahasuar më 2017-n, kur 4.5 për qind e të rriturve votuan për anëtarët e LGTB +, raporton theguardian.

Anëtarët e Gjenerimit Z, të moshës 18 deri 23 vjeç, kontribuuan më së shumti në rritjen e këtij numri. 15.9 për qind e tyre deklarohen si LGBT +. Shumica e amerikanëve LGBT +, 54.6 për qind, identifikohen si biseksualë, 24.6 për qind si homoseksualë, 11.7 për qind si lezbike dhe 11.3 për qind si transgjinorë.

Ndërkaq, mbështetja për martesat e të njëjtit seks, e legalizuar në vitin 2015 u rrit në 62 për qind, krahasuar me 2007 kur 36 për qind e amerikanëve mbështetën martesat e të njëjtit seks.

Sondazhi u krye në 15 mijë amerikanë gjatë vitit 2020. Në sondazh, 86.7 për qind e të të rriturve deklaruan se ishin heteroseksualë, ndërsa 7.6 për qind refuzuan t’i përgjigjen pyetjes.

Gratë identifikohen më shumë si LGBT + sesa burrat, 6.4 për qind krahasuar me 4.9 për qind.

Midis liberalëve politikë, 13 për qind e tyre deklaruan veten si LGBT +, ndërsa midis konservatorëve ky numër është 2.3 për qind.