Olise kërkon takim me Bayernin pas interesimit të Realit

E ardhmja e Michael Olise është kthyer në një nga temat më tëdiskutuara të merkatos së verës.

Sipas raportimeve”Diario AS”, sulmuesi francez pritet të zhvillojë një takim me drejtuesit e Bayern Munich për të diskutuar të ardhmen e tij në klub, shkruan IndeksOnline.

Interesimi i Real Madridit për 24-vjeçarin ka shtuar spekulimet gjatë javëve të fundit, ndërsa kampionët e Spanjës raportohet se po e ndjekin nga afër situatën e lojtarit. Megjithatë, deri më tani nuk ka negociata të konfirmuara mes palëve.

Nga ana e Bayern Munich, drejtuesit kanë bërë të qartë se nuk kanë ndërmend të heqin dorë nga një prej futbollistëve më të rëndësishëm të skuadrës.

Klubi gjerman e konsideron Olise pjesë kyçe të projektit afatgjatë dhe nuk është i gatshëm të dëgjojë oferta për transferimin e tij.

Ndërkohë, edhe Real Madridi ka mohuar zyrtarisht raportimet që flasin për kontakte me lojtarin ose përfaqësuesit e tij, duke i cilësuar ato si spekulime mediatike.

Takimi mes Olise dhe drejtuesve të Bayern Munich pritet të zhvillohet pas përfundimit të Kupës së Botës 2026 dhe mund të qartësojë pozicionin e futbollistit për sezonin e ardhshëm.

Deri atëherë, e ardhmja e francezit mbetet e hapur dhe transferimi te Real Madridi mund të ndodh pavarësisht se të dyja skuadrat kanë mohuar një gjë të tillë./IndeksOnline/