Osmani takim me qytetarët në Gjilan, në tubim merr pjesë edhe ish-deputetja e LDK-së

Ish-presidentja Vjosa Osmani ka publikuar disa fotografi nga një vizitë në Gjilan.

Në njërën prej fotove në një lokal atje, shihet edhe ish-deputetja e Lidhjes Demokratike të Kosovës, Valentina Bunjaku.

“Faleminderit Gjilan, për mikpritjen e përzemërt sikurse përherë”, ka shkruar Osmani në një postim në Facebook.

Ish-presidentja nuk e ka përjashtuar dhe ka paralajmëruar se do ta shqyrtojë një rikthim të mundshëm në LDK, ndërsa kryetari i partisë më të vjetër në vend, Lumir Abdixhiku, e ka hapur më herët derën për këtë mundësi.