Pacolli tregon a ka bërë marrëveshje me Listën Serbe për demarkacion
Zëvendëskryeministri dhe ministri i Punëve të Jashtme të Kosovës, Behgjet Pacolli ka reaguar lidhur me raportimin e disa medieve vendore, kinse ai ka bërë një marrëveshje me Listën Serbe sa i përket demarkacionit.
Sot u raportua se Pacolli ishte pajtuar me serbët që votimi të shtyhet pas zgjedhjeve që do të mbahen në Serbi të dielën, e pastaj të mbahej seanca, shkruan Indeksonline.
Në një postim në Facebook, Pacolli ka demantuar një gjë të tillë duke thënë se dikush po gënjen.
Ky është postimi i Pacollit:
Derisa po qëndroj në Japoni, po lexoj disa tituj se gjoja unë në marrëveshje me serbët paskam sabotuar votimin e marrëveshjes së demarkacionit!
Sa e ulët është kjo!!!!
Dikush po genjen qëllimkeqshëm.
E vërteta është se unë thjesht kam treguar për informatën ne menyrë realiste, pa folklorizem. /Indeksonline/