Pak fat në futboll e shumë në dashuri, Ozil i jep fund beqarisë
Ylli i Arsenalit, Mesut Ozil i ka dhënë fund beqarisë në moshën 30-vjeçare.
Ish-mesfushori i Gjermanisë ka publikuar disa fotografi në Instagram duke e puthur të dashurën e tij, Amine Gulse.
“Me lejen e Zotit përgjithmonë”, ka shkruar Ozil, transmeton Indeksonline.
Që nga dhjetori 2017, marrëdhënia e Mesut Özil dhe Amine Gülse është zyrtare.
Në mjedisin e çiftit thuhet se të dy kanë qenë së bashku që nga viti 2016.
Ajo është një modele, ish-Miss-Turqia (2014) dhe ylli i Instagram (1.6 milionë ndjekës).
Nëpërmjet rolit të saj në serinë televizive turke “Asla Vazgeçmem”, ajo njihej edhe si aktore.
Amine ka prindër turq, por ka lindur dhe rritur në Gothenburg / Suedi. Aktualisht jeton dhe punon në Stamboll. /IndeksOnline/