Palermo bie në Serie C, shpërthejnë lojtarët: Na shkelën dinjitetin!

Futbollistët e Palermos janë prezantuar ditën e sotme në konferencë për shtyp në lidhje me vendimin e Gjykatës për të penalizuar skuadrën siciliane me rënie në fund të tabelës së renditjes së Serie B dhe si pasojë nisjen nga sezoni i ardhshëm në Serie C (kategoria e tretë).

Palermo po luftonte për ngjitjën në Serie A dhe i mjaftonin katër barazime për të shkuar në elitë (sipas rregullores dhe pozicionit në klasifikim). Por, të drejtën për playoff të fituar në fushë (të renditur në vend të tretë pas Brescias dhe Leçes, vendimi ia ka fshirë.

“Janë ndryshuar rregullat, janë përmbysur… Kemi të drejtën të luajmë në playoff, duke qeën se është dhënë vetëm vendimi i shkallës së parë. E fituam në fushë, me djersë, këtë të drejtë. Na shkelën dinjitetin. Kemi sakrifikuar të gjithë për këtë objektiv”.