Pas një muaji arratisje, dorëzohen vet në polici dy vëllezërit nga Prizreni

Policia rajonale e Prizrenit ka njoftuar se sot në mesditë janë dorëzuar vet në polici, dy vëllezër të cilët kishin shtënë me armë zjarri para një muaji.

Ngjarja kishte ndodhur më 22 qershor në rrugën “De Rada” në Prizren, ku për shkaqe të panjohura tre persona kanë shtënë me armë zjarr, transmeton Indeksonline.

“Rreth mesdite, janë vetë paraqitur në polici dy vëllezër F. S. Dhe B. S. të cilët ishin në arrati që nga data 20 qershor pasi kishin kryer veprat penale: Shkaktim i rrezikut të përgjithshëm; përdorim i armës apo mjetit të rrezikshëm dhe vrasje e mbetur ne tentativë”, thuhet në njoftim.

Sipas policisë, të dyshuarit janë intervistuar në prani të avokatëve mbrojtës e më pas është informuar prokurori i shtetit i cili ka urdhëruar që të dyshuarit  të ndalën nën masën e arrestit policor.

“Ngjarja pati ndodhur  rreth mesnate në rrugën ‘De Rada’. Në atë kohë ishte arrestuar një person”, përfundon njoftimi i policisë. /Indeksonline/