Pas oborreve të institucioneve, Peci i lëshon për vendparkime edhe oborret e shkollave

Kryetari i Mitrovicës, Faton Peci, ka njoftuar një vendim të ri për komunën.

Ai ka marrë vendim për lirimin e hapësirave të shkollave, që të shfrytëzohen për parking për të gjithë qytetarët, banorë të Mitrovicës dhe mërgimtarë.

E gjithë kjo do të jetë pa pagesë, raporton IndeksOnline.

“Të dashur qytetarë,

Përveç hapësirave të institucioneve komunale të dhëna në shfrytëzim për parkim të mërgimtarëve, ju njoftoj se oborret e shkollave të listuara më poshtë do të jenë në shfrytëzim për parkim për të gjithë qytetarët (rezidentë dhe nga mërgata) në këtë periudhë fluksi, deri në shtator, pa pagesë.

Gjimnazi “Frang Bardhi”;

SH.M.L.M. “Xheladin Deda”;

SH.F.M.U. “Eqrem Çabej”;

SH.F.M.U. “Ismail Qemali”;

SH.F.M.U. “Bedri Gjinaj”;

SH.M.L.M. “Arkitekt Sinani”;

SH.F.M.U. “Migjeni”.

Vërejtje: Luten qytetarët që vendparkimet t’i shfrytëzojnë në mënyrë racionale”, shkroi Peci.