Pasi humbi zgjedhjet në Kaçanik, Jakupi i LDK-së: I jap fund aktivitetit politik!
Njëri prej kandidatëve më kreativ në komunën e Kaçanikut, Shkelqim Jakupi nuk arriti të marrë votat e mjaftueshme për kryetar.
Ai dhe partia e tij, LDK-ja, doli e treta, duke mos arritur të sigurojë balotazhin.
Kësisoj, Jakupi është treguar “fer”, duke pushuar aktivitetet politike në Degën e LDK-së në Kaçanik.
Postimi i plotë:
Pëshëndetje Kaçanikas,
Faleminderit secilit prej jush që na mundësuat ta bëjmë një fushatë dinjitoze dhe të qetë. Faleminderit shoqëri e bashkëpunëtor, votues të LDK-së për besimin tuaj.
Uroj të gjithë kandidatët dhe partitë për rezultatet e treguara, duke dëshiruar që edhe ballotazhi të shkoj mbarë e mirë. Bëj thirrje qytetare të hiqni dorë nga shantazhet dhe propagandat denigruese eventuale ndaj njëri-tjetrit dhe zhvilloni fushatë korrekte.
Ne, përkundër rritjes dhe kthimit të LDK-së në ‘nivelin e vet’ n’Kaçanik, nuk arritëm të hym në ballotazh. Për çka vlerësojmë vendimin e qytetarëve Kaçanikas, duke shpresuar më të mirën për qytetarët dhe komunën tonë.
Personalisht, i jap fund aktivitetit politik, duke dëshiruar më të mirat për LDK-në gjithmonë.
Me dashni,
Shkelqimi