Pasuria e Maradona-s/ Dy kasaforta i ka në Dubai, askush s’mund t’i hapë

Diego Armando Maradona para se të ndërronte jetë kishte jetuar për një kohë të gjatë në Dubai.

Legjenda e futbollit botëror ndërroi jetë gjatë vitit 2020, duke lënë një pasuri të madhe mbi 75 milionë euro, shkruan IndeksOnline.

“AS”-i shkruan sot se Maradona ka dy kasaforta në shtetin e Dubait, por askush nuk mund t’i hapë ato dhe s’e dinë se çfarë ka brenda.

Argjentinasi ka pesë fëmijë, por gjashtë të tjerë janë deklaruar pas vdekjes së tij.

“Këto janë disa gjëra që Maradona mbajti, por as ai nuk e dinte se çfarë ishte duke mbajtur. Mund të jenë para, dollarë apo dirhemë. Ai la këto kasaforta atje dhe nuk i hapi për më shumë se dy vjet”, ka thënë një i afërm i Maradonas.

Kujtojmë se Maradona ndërroi jetë në moshë 60-vjeçare, më 25 nëntor 2020./IndeksOnline/