Pavarësisht rrezikut të përhapjes së koronavirusit, qytetarët e Ferizajit nuk iu ndahen shesheve
Në 94 ka arritur numri i të infektuarve me COVID-19 në Kosovë. Që nga data 13 mars numri kur edhe u konfirmua rasti i parë me koronavirus në Kosovë ka humbur jetën një person dhe një tjetër është shëruar.
Por pavarësisht gjithë rrezikut të përhapjes së këtij virusi, qytetarët e Ferizajt nuk po i ndalon asgjë që të dalin shesheve të qytetit.
Në një fotografi të dërguar në redaksi të Indeksonline shihet qartë se shumë qytetarë zgjodhën të mos respektojnë rekomandimet e institucioneve shëndetësore në vend, por të dalin të rrezikojnë veten, familjen e gjithë shoqërinë.
Duhet përkujtuar që Qeveria e Kosovës ndërmori një sërë masash në mënyrë që të bëhet parandalimi i këtij virusi me pasoja sa më të vogla./Indeksonline/