PDK sqaron zhvillimet e fundit në Skenderaj
Partia Demokratike e Kosovës, dega në Skenderaj ka sqaruar ngjarjet e fundit të Kuvendit Komunal.
Duke iu referuar lëshimit të një seance nga asamblistët e PDK-së së kësaj komune, këtë gjest partia e ka arsyetuar si veprim politik në shenjë pakënaqësie me disa procedura që janë bërë nga organet e Kuvendit.
PDK sqaron se asamblistët e saj nuk e sabotojnë punën e Kuvendit dhe të kryetarit Bekim Jashari, por e mbështesin atë në cdo iniciativë që është në të mirë të qytetarëve.
Ja sqarimi i PDK-së:
Sqarim publik në lidhje zhvillimit në Kuvendin komunal të Skenderajt
Më qëllim të informimit të drejtë të qytetarëve të Skenderajt, të anëtarëve dhe simpatizantëve të PDK-së në Skenderaj dhe opinionit publik në përgjithësi, Dega e PDK-së në Skenderaj informon me sa vijon:
Grupi i Asamblistëve të PDK-së në Kuvendin komunal të Skenderajt në seancën e mbajtur më 30 janar 2018, ka lëshuar seancën si veprim politik dhe nuk është pajtuar me formën dhe proceduarën e zgjedhjes së komiteteve të përhershme si organe të Kuvendit komunal të Skenderajt.
Thirrja e seancës së njëjte nga Kryesuesja e Kuvendit duke ditur apriori vendimin e Grupit të Asamblistëve të PDK-së dhe duke llogaritur në votat e një pjese të opozitës (votues të saj), është tregues i qartë i jo profesionalizmit papërgjegjësisë dhe papërvojës së studentes së arkitekturës. E gjithë kjo marrë parasysh procedimin e çështjeve pronësore pa u konstituuar organet e Kuvendit siç është KPF (Komiteti për Politikë e Financa).
E informojmë opinionin publik dhe qytetarët e Skenderajt se Grupi i Asamblistëve të PDK-së në Kuvendin komunal të Skenderajt nuk ka sabotuar dhe nuk do të sabotojë punën e Kuvendit dhe Kryeartit të komunës Bekim Jashari, përkundrazi do të mbështesë çdo iniciativë dhe projekt që është në të mirë të qytetarëve të Skenderajt.
Grupi i Asamblistëve të PDK-së në Kuvendin komunal të Skenderajt nuk do të bie pre e etiketimeve dhe presioneve e publike e jo publike që po u bëhen anëtarëve të tij, për të përkrahur punën e Kryesueses së Kuvendit komunal që po vepron në kundërshtim me përgjegjësitë ligjore të saj dhe duke bërë veprime të jashtëligjshme. /Indeksonline/