Përfundim dramatik në “Fadil Vokrri”, Dallku debuton me fitore

Ka përfunduar derbi i xhiros së gjashtë të Superligës së Kosovës në futboll.

Prishtina ka mposhtur Gjilanin me rezultat 2-1 në ndeshjen që u zhvillua në stadiumin “Fadil Vokrri” në kryeqytet.

“Plisat” kaluan të parët në epërsi me golin e Ergyn Ahmetit në minutën e 13-të të ndeshjes.

Rezultatin e barazoi Bedri Greca në minutën e 83-të pas një gabimi në mbrojtjen vendase.

Golin e fitores e shënoi Alban Shillova në minutën e katërt shtesë.

Gjilani humb kreun e tabelës me pikë të barabarta me Feronikelin, derisa Prishtina është në vendin e gjashtë me 7 pikë, aq sa ka edhe Flamurtari. /IndeksOnline/