Përfundon me sukses misioni “Inspiration4” i kompanisë SpaceX

Kompania SpaceX postoi në rrjetin Twitter një video të filmuar në orbitë nga specialisti i misionit Chris Sembroski.

Pamjet tregojnë ekuipazhin prej katër anëtarësh që marrin foto nga kupola prej xhami e kapsulës Dragon. Një tjetër video nga kapsula tregon lindjen e hënës.

Katërshja e astronautëve privatë të misionit “Inspiration4” u ulën me parashutë në Atlantik pranë brigjeve të Floridës të shtunën, duke i dhënë fund misionit tre-ditor me një ekuipazh civil.

Katër turistët hapësinor udhëtuan në orbitën e Tokës me kapsulën Dragon të kompanisë SpaceX të themeluar nga Elon Musk, prodhuesi i makinave elektrike Tesla.

The SpaceX Inspiration4 astronauts safely splashed down off the coast of Florida after a three-day flight. It was the first rocket launched into Earth's orbit without a career astronaut onboard, in an effort to promote space tourism https://t.co/YptU37lPqj pic.twitter.com/aXRCL3iIDh

— Reuters (@Reuters) September 19, 2021