Pësoi një kolaps të dytë në fushë, deklarohet Eriksen: Tani do të luaj futboll vetëm me fëmijët e mi

Kolapsi i dytë i Christian Eriksenit në ndeshjen Danimarkë-Ukrainë tronditi futbollin.

Sikurse në ndeshjen e “Euro 2020” ndaj Finlandës, danezi u rrëzua teksa u shoqërua menjëherë nga stafi i kombëtares së tij, me ndeshjen që u ndërpre menjëherë.

Mirëpo ka lajme të mira nga Danimarka, pasi që Eriksen foli për herë të parë pas kësaj tronditjeje.

“Dua t’u bëj të ditur të gjithëve se jam mirë dhe se jam në shtëpi me familjen time. Siç mund ta imagjinoni, një goditje nga ICD-ja ime ka pasur një ndikim të madh si tek unë ashtu edhe tek familja ime, por dua t’i siguroj të gjithë se kjo ishte një situatë e ndryshme nga ajo që ndodhi në vitin 2021. Ndihem mirë dhe rikuperimi im ka filluar tashmë. Përveçse jam mirënjohës për mbështetjen dhe ndihmën e të gjithë lojtarëve dhe ekipit mjekësor në fushë, jam gjithashtu jashtëzakonisht mirënjohës ndaj mjekëve që janë kujdesur për mua dhe zemrën time gjatë viteve. Falë ekspertizës së tyre, ICD-ja ime bëri pikërisht atë për të cilën ishte projektuar: të më mbronte kur kisha nevojë. Tani për tani, fokusi im është në rikuperim, kalim kohe me familjen time, shkuarje me pushime dhe lojë futbolli me fëmijët e mi”, ishin fjalët e Eriksen./IndeksOnline/