Pioli: Nuk më interesojnë ndeshjet e fundit ndaj Interit, nuk kemi frikë nga asgjë

Trajneri i Milanit, Stefano Pioli, ka folur para derbit lokal kundër Interit.

”Rosonerët” nuk kanë bilanc pozitiv në ndeshjet e fundit ndërvjet veti, ku kanë katër humbje dhe një fitore gjatë sezonin e kaluar, shkruan IndeksOnline.

Tekniku italian gjatë konferencës për media tha se nuk i kanë frikën Interit dhe se të shtunën synojnë vetëm fitoren.

“Gjatë kësaj periudhe kemi menduar vetëm për derbin. Jemi në fillimin e sezonit dhe kemi bërë një nisje të mirë si ne, ashtu edhe Interi. Shpresoj shumë që të vazhdojmë rrugën që kemi nisur edhe pse përballë kemi një kundërshtar shumë të fortë, rivalin tonë të përjetshëm. Është një kundërshtar të cilin e njohim, por edhe ata kanë ndryshuar ashtu si ne. Jam i bindur se tani jemi në gjendje për ta përballuar Interin. Ata luajtën në finalen e Champions-it si të barabartë me Man.City-n dhe kjo nuk është pak, por shpresoj të jemi në ditën tonë më të mirë. Giroud si Ibrahimovic? Unë them që Giroud është një i Zlatan-it. Kjo sepse Ibrahimovic ka ndikuar shumë të çdo lojtarë dhe Olivier është një prej tyre. Të shtunën ne do të luajmë vetëm për fitore.”, tha fillimisht Pioli.

Ai shtoi se nuk i interesojnë rezultatet nga ndeshjet e fundit dhe skuadra do të fokusohet në ndeshjen e nesërme.

“Nuk më interesojnë ndeshjet e fundit, më intereson vetëm takimi i të shtunës. Ndryshe mund të flasim për Scudetton e fituar dhe jo atë të fituar nga Interi. E vetmja gjë që ka rëndësi është vendosja e skuadrës, mentaliteti me të cilin do të luajmë. Kemi disa mungesa, por në mbrojtje Kjaer është gati për të luajtur. Pika e fortë e Milanit? Do t’ua them pas ndeshjes. Kemi bërë një merkato të mirë dhe shumë gjëra kanë ndryshuar. Fusha dhe sezoni do të tregojnë nëse jemi më të fortë apo jo. Të shtunën dua një skuadër të uritur për fitore, janë ndeshje që kërkojnë shumë vëmendje dhe nëse e interpreton siç duhet në fund merr edhe pikët, por edhe lavdinë.”, tha Pioli./IndeksOnline/