Pitalkat e nxehta i do edhe Kadri Veseli, vet ai shkoi për t’i blerë në furrë për iftar
Sot besimtarët myslimanë kanë nisur muajin e shenjtë të Ramazanit.
Derisa pak para iftarit, shumë qytetarë të Kosovës ia mësynë furrave më të afërta, ani pse në kohë pandemie, transmeton Indeksonline.
Njëri nga adhuruesit e pitalkave është edhe kryetari i PDK-së, Kadri Veseli.
Madje ai ka postuar vet disa imazhe në një furrë, ku shihej tekse blinte pitalka. E kujdes ka treguar edhe duke u mbrojtur nga COVID19.
Ky është postimi i tij:
Pitalkat e nxehta e të shijshme, janë për mua ushqimet e preferuara për të çelur iftarin. Me siguri edhe për shumë nga ju.
Agjërim të lehtë e të pranuar për gjithë agjëruesit e ramazanit. Zoti jua pranoftë lutjet dhe adhurimin në këto ditë të shenjta dhe ju dhëntë shëndet, paqe e lumturi!