Porsche përshpejton 145 km në orë për t’u ndalur në kuvertën e një transportuesi

Edhe një ditë na ndan nga premiera e Porsche Taycanit elektrik, ndërsa prodhuesi gjerman, në prag të debutimit të modelit të tij të parë elektrik, vendosi të organizojë një atraksion interesant për të promovuar performancën e kësaj makine, veçanërisht në drejtim të nxitimit dhe frenimit.

Sedani elektrik arriti në kuvertën e një aeroplani USS Hornet. Ishte planifikuar që Taycani të përshpejtonte nga vendi deri në 145 km në orë dhe më pas të ndalonte përpara se të mbaronte hapësirën në kuvertë, me një grua pas timonit – shoferen profesionale të garës, Shea Holbrook.

Sigurisht, kjo është një përpjekje për marketing, kështu që është mjaft e qartë se Porschi arriti qëllimin e tij dhe për tërë manovrën u desh vetëm 10.17 sekonda dhe 222.8 m të pistës në kuvertë.