10:20 / E Mërkurë, 23 Tetor 2019 / indeksADMonline

Presidenti Thaçi në banketin perandorak, uron mbarësi në periudhën Reiwa

Presidenti i Republikës së Kosovës, Hashim Thaçi, mbrëmë ka marrë pjesë në banketin e shtruar për nder të proklamimit të marrjes së fronit perandorak nga Perandori Naruhito, në Pallatin Perandorak në Tokyo të Japonisë.

Në këtë banket kanë marrë pjesë krerë shtetesh e qeverish nga 180 vende të botës, zyrtarët më të lartë të Japonisë dhe përfaqësuesit e organizatave më të mëdha ndërkombëtare.

Presidenti Thaçi i ka uruar Perandorit Naruhito dhe gjithë popullit japonez paqe, mbarësi dhe prosperitet në periudhën Reiwa.

Periudha e Reiwa-s përndryshe është epoka e tanishme e Japonisë. Filloi më 1 maj 2019, ditën në të cilën djali i madh i Perandorit Akihito, Naruhito, u ngjit në fron si Perandori i 126-të i Japonisë. Një ditë më parë, Perandori i atëhershëm Akihito rrëmbeu Fronin e Krizantemës, duke shënuar fundin e epokës së Heiseo.

Viti 2019 korrespondon me Heisei 31 nga 1 janari deri më 30 pril, dhe me Reiëa 1 nga 1 maj.

Reiwa ndryshe interpretohet si “harmoni e bukur”.

Presidenti Thaçi vizitën e fundit në Japoni e kishte bërë me 10 shtator me rastin e 10 vjetorit të lidhjes diplomatike ndërmjet shtetit të Kosovës dhe Japonisë./Indeksonline/