Princi William flet hapur para ndeshjes Kroaci-Angli

Ndërsa tifozët në Dallas numërojnë orët deri në fillimin e ndeshjes së Kupës së Botës midis Kroacisë dhe Anglisë, mbështetja për ekipin anglez po vjen edhe nga familja mbretërore.

Princi William përdori mediat sociale përpara paraqitjes së parë të Anglisë në turne, transmeton Indeksonline.

Një mesazh mbështetjeje për futbollistët anglezë u publikua në profilin zyrtar të Kensington Palace, së bashku me posterin zyrtar për ndeshjen e sonte kundër Kroacisë.

“Paç fat Anglia”

“Fat të mbarë Anglisë përpara ndeshjes së tyre të parë në fazën e grupeve të Kupës së Botës sonte! Shpresojmë për një turne të shkëlqyer”, tha Princi William.

Ai e përfundoi postimin me emoji muskujsh dhe raketash, duke i uruar simbolikisht ekipit kombëtar forcë dhe një fillim të suksesshëm të garës./Indeksonline/