Prishtina, do të zgjedhë më të mirët e sportit për sivjet
Komuna e Prishtinës edhe sivjet, do të zgjedhë sportistin më të mirë.
Drejtori për Rini dhe Sport në Komunën e Prishtinës, Fitim Rexha, është organizator i ceremonisë.
Përveç sportistit të vitit do të zgjedhet edhe klubi, trajneri, gjyqtari dhe shpresa.
Ky është njoftimi i Drejtorisë së Rinisë dhe Sportit, në Prishtinë.
Ju njoftojmë se Komuna e Prishtinës – Drejtoria për Rini & Sport edhe sivjet, do të bëjë zgjedhjen e sportistëve të dalluar për vitin 2019, andaj kërkojmë nga ju të na i dërgoni propozimet për :
1. Sportistin,
2. Klubin,
3. Trajnerin,
4. Gjyqtarin,
5. Shpresën e vitit,
Gjithashtu, do të jepen edhe çmimet:
6. Çmimi – Post mortem
7. Çmimi special – Për kontribut jetësor
8. Veterani i vitit
9. Punëtori sportiv i vitit
Propozimet për zgjedhjen e sportistëve më të mire mund të bëhen individualisht dhe përmes Klubeve sportive.Gjatë propozimit për lauratët duhet në mënyrë të qartë të përshkruhet aktiviteti i secilit sportistë dhe të specifikohen të gjitha garat ekipore dhe individuale në të cilat ka garuar sportisti dhe suksesin të cilin e ka arritur në nivel kombëtar dhe ndërkombëtar gjatë vitit 2019.
Ju lutem që propozimet t’i dorëzoni në sportelin nr. 5 (objekti i vjetër i Komunës së Prishtinës), nga data 18 Nëntor deri më 10 Dhjetor 2019.
Zgjedhja e më të mirëve do të bëhet nga komisioni i përbërë prej gazetarëve sportivë.