Prishtina e mbuluar nga mbeturinat, reagon nënkryetari Zogaj

Nënkryetari i Prishtinës, Alban Zogaj, ka reaguar pasi sot gjendja me mbeturina në kryeqytet ka qenë kaotike, pasi këto të fundit nuk po grumbullohen nga kompania “Pastrimi”.

Ai në Twitter ka shkruar se janë duke punuar që të zhbllokojnë situatën mes kompanisë “Pastrimi” dhe kompanisë për menaxhimin e deponive.

Kërkojmë falje për këtë gjendje! Kompania për menaxhimin e deponive nuk po e lejon Kompaninë 'Pastrimi' të bëj zbrazjen e mbeturinave, për shkak të borxhit që kjo e fundit i ka të parës! Jemi duke e zhbllokuar këtë situatë, në mënyrë që të vazhdojmë me grumbullim të mbeturinave. pic.twitter.com/ctWQX8qQB7

— Alban Zogaj (@albanzogaj) May 24, 2022