Prishtina mposht në miqësore skuadrën polake
Prishtina ka triumfuar ndaj skuadrës polake, Korona Kielce në kuadër të një miqësore të organizuar që u zhvillua në Turqi.
Korona Kielce është skuadër që sezonin e kaluar përjetoi rënie nga liga e parë polake, Ekstraklasa.
Ndeshja u mbajt në Antalya të Turqisë.
Prishtina fitoi me rezultat të thellë, 3-0. Gola për kryeqytetasit u shënuan në pjesën e parë.
Fillimisht ishte Muça i cili me dy gola të shpejtë i dha avantazhin skuadrës, përkatësisht në minutën (4’) dhe (22’).
Pastaj goditjen përfundimtare e dha Boshnjaku në minutën (39’).
Kjo ishte miqësorja e tretë e Prishtines, herën e fundit, ata u ndeshën me skuadrën e Orenburg të Rusisë, të cilën e mundën me rezultat 2-1.