08:59 / E Diele, 02 Shtator 2018

Prishtina rikthehet të luajë në shtëpi kundër Drenicës

Ndeshja e sotme gati-gati mund të cilësohet historike. Edhe pse i takon javës së tretë të Superligës, por rikthimi në shtëpi i Prishtinës pas dy vitesh, ndeshje nën ndriçimin e reflektorëve, si dhe skuadra nga Skenderaj është e fundit që Prishtinës i ka sjellë dy humbjet e vetme kampionale në 16 ndeshjet e fundit të kampionatit.

10 ndeshjet e fundit skuadra nuk ka pësuar në kampionat. Në fakt, ajo mbetët humbja e vetme kampionale në vitin 2018 në kuadër të 16 ndeshjeve të fundit për pikë, por edhe humbja e fundit kampionale në vitin 2017 ishte po kundër Drenicës në Drenas 0:2, transmeton IndeksOnline.

Pra, kuqezinjtë me të drejt janë vlerësuar ndër shkaktarët kryesor, ndër tjera shkaqe që me 7 pikët e shkëputura në edicionin a kaluar bën që Prishtina për tre pikë më pak të humbas kampionatin.

Java III: Prishtina - Drenica

Krejt këto fakte, ndeshjen e sotme e bëjnë gati historike dhe motivi i futbollistëve është i jashtëzakonshëm që ndeshjen ta fillojnë me qëllimin e vetëm të tre pikëve.

Skuadra nuk ka mungesa, në 18-she rikthehet edhe kapiteni Dallku nga suspendimi dhe vetëm Pefqeli është në fund të rikuperimit të lëndimit të kraharorit.

Prishtina ka një ndeshje të zhvilluar dhe 3 pikë të fituara javën e kaluar kundër Trepçës ‘89 (2:0), ndërsa Drenica i ka 4 pikë duke e mposhtur Llapin në Podujevë (1:0) dhe duke e ndal në barazim pa gola Feronikelin në Skenderaj.

Dy skuadrat rivale pas luftës kanë 48 ndeshje zyrtare me bilanc larg më të mirë të Prishtinës prej 22 fitoreve, 10 barazime dhe 16 humbje me goldallim +25, 73:48. Edhe pse Drenica në tre ndeshjet e fundit ka arritur një barazim (1:1 në Skenderaj) e dy fitore (0:2 në Drenas e 1:0 e fundit në Skenderaj), megjithatë Prishtina dy fitoret më të thella të pasluftës në kampionat i ka kundër Drenicës, si 7:0 (pranverë 2003) dhe 6:0 (pranverë 2017).

Java III

Prishtina – Drenica

E diel, 2 shtator – ora: 19:45

Stadiumi i Prishtinës

Gjyqtarë: Selim Isufi (Mt), Driton Preniqi (Ka), Bekim Rama (Pd) – Dardan Çaka (VU)

Çmimi i biletave: 10 euro (VIP), 5 euro (Perëndim), 3 euro (Lindje)./IndeksOnline/

Mos i humb