Prokuroria nis punën për kallëzimin penal ndaj Thaçit e Veselit

Prokuroria ka filluar hetimet preliminare ndaj presidentit të vendit, Hashim Thaçit dhe kryetari të PDK-së, Kadri Veseli.

Kjo pasi më 25 prill të vitit të kaluar, Albin Kurti e Glauk Konjufca nga Lëvizja Vetëvendosje kishin bërë kallëzim penal për lajmërim e kallëzim të rremë.

Ata qenë ftuar nga Prokuroria si dëshmitarë në ditën e nesërme.

“Më 25 prill të këtij viti Albin Kurti, kryetar i Lëvizjes…, dhe Glauk Konjufca, asokohe drejtues i Grupit parlamentar, në Departamentin për Krime të Rënda të Prokurorisë Themelore në Prishtinë bënë kallëzim penal kundër z. Hashim Thaçi dhe z. Kadri Veseli, për lajmërim apo kallëzim të rremë (sipas kuptimit të Nenit 382, par. 1, 2 dhe 4), dhe deklaratë të rreme nën betim (sipas kuptimit të Nenit 383, par. 1 dhe 2, të Kodit Penal të Republikës së Kosovës (KPRK) Nr. 06/L-074.)

Më në fund një lajm i mirë, pas shtatë muajsh Prokuroria ka nisur ta trajtojë këtë rast dhe kanë ardhur fletëthirrjet që përfaqësuesit e Lëvizjes, Albin Kurti e Glauk Konjufca të paraqiten në prokurori nesër e të japin dëshmitë e tyre lidhur me këtë rast dhe me kallëzimin penal që e kemi ngritur.

Dëshirojmë të rikujtojmë për opinionin publik se Hashim Thaçi, president i Republikës dhe Kadri Veseli, asokohe kryetar i Kuvendit, kanë deklaruar rrejshëm nën betim më 28 dhjetor të vitit 2018, në procesin gjyqësor ndaj të ashtuquajturës organizata “Syri i Popullit” dhe para gjyqtarëve kanë thënë se kryetari Kurti dhe deputeti Konjufca janë pjesë e kësaj organizate të quajtur terroriste.

Pasi që dorëzuan kallëzimin penal deputeti Konjufca i cilësoi dëshmitë e rrejshme të Thaçit e Veselit kundër Lëvizjes… si “përpjekje për eliminim politik të Lëvizjes VETËVENDOSJE!, meqë padrejtësisht dhe me shpifje, prej presidentit të shtetit dhe kryetarit të Kuvendit jemi lidhur me një organizatë, e cila pretendohet se është terroriste, që është “Syri i Popullit”.

Edhe pse e kemi pritur më shpejt veprimin e prokurorisë, qysh prej fillimit ne kemi shprehur bindjen dhe nuk kemi reshtur kurrë së besuari se brenda sistemit të drejtësisë ka prokurorë të guximshëm të cilët do të guxojnë ta çojnë përpara këtë rast, edhe pse sistemi është ende i kapur” thuhet në njoftimin e Vetëvendosjes./Indeksonline/