Prokuroria: Kontribut shumë të madh për aksionin e sotëm ka dhënë Policia e Kosovës

Prokuroria Themelore në Prishtinë, njofton opinionin se për realizimin e aksionit të sotëm, kontribut shumë të madh ka dhënë edhe Policia e Kosovës, transmeton IndeksOnline.

“Policia që nga fillimi i këtij rasti është angazhuar me Prokurorinë Themelore në Prishtinë dhe Inspektoratin Policor të Kosovës, me ç’rast janë arrestuar tetë (8) zyrtarë policorë, të cilët dyshohen se kanë kryer veprat penale: “Keqpërdorimi i pozitës apo autoritetit zyrtar”, sipas nenit 414 të KPRK-së, “Keqtrajtim gjatë ushtrimit të detyrës ose autorizimeve publike”, nga neni 195 ”, “Ushtrimi i ndikimit”, nga neni 424, si dhe “Blerja, posedimi, shpërndarja dhe shitja e paautorizuar e substancave narkotike”, sipas nenit 267 të Kodit penal të Republikës së Kosovës”, thuhet në njoftimin e PK-së./IndeksOnline/