Pronarët e hoteleve: Do t’i mbajmë dasmat dhe organizimet në klube nate

Kosova vazhdon të përballet me pandeminë COVID-19, derisa ditëve të fundit pati dukshëm rritje të numrit të rasteve pozitive, kjo pas lehtësimit të masave mbrojtëse.

Shumica e bizneseve që në fillim të muajit që lamë pas nisën punën, por mbajtja e dasmave po vazhdon të ketë edhe polemika të shumta.

Derisa nga ana e Qeverisë është e paqartë ende nëse do të lejohen këto ahengje familjare, pasi në një vendim thuhet: “Ndalohet grumbullimi i më shumë se 50 personave”, transmeton Indeksonline.

Por, nga ana tjetër, hotelierët përmes një postimi në faqen zyrtare në Facebook, kanë thënë se dasmat do të mbahen ashtu siç edhe do të hapen klubet e natës, por që sipas tyre organizimi gjithnjë do të bëhet konform rregullave të Qeverisë.

Ndryshe kjo shoqatë ka paralajmëruar sot një konferencë urgjente:

Ky është njoftimi:

Ftojmë urgjentisht të gjjtha mediat në Kosovë në orën 15:30 konferenc për shtyp para Qeveris së Kosovës lidhur me Mbajtjen-Mosmbajtjen e Dasmave dhe Klubeve të natës .