Protestuesit e Sali Berishës rrethojnë Kryeministrinë
Në ora 16:00 është paraparë të fillojë protesta popullore e ftuar nga Sali Berisha, në qendër të Tiranës.
Pak orë para se të fillojë protesta, përpara ndërtesës së Kryeministrisë janë vendosur kangjella, ndërkaq shtyllat e kamerave janë lyer me graso, për të mos u ngjitur protestuesit që dojnë t’i dëmtojnë ato.
Berisha, i cili do të jetë në krye të këtij organizimi, ndër të tjerash e ka thirrur protestën për të kundërshtuar “Open Balkan” dhe vajtjen e Vuçiqit në Tiranë.
“1. Vucic eshte minister i Milloshevicit. Ai akoma nuk ka kerkuar falje per krimet e kryera ndaj shqiptareve nga Serbia dhe vazhdon te ndjek politiken e shefit te tij.
- Ballkani i Hapur eshte projekt qe e rrit dhe forcon Serbine dhe planet e Serbise se Madhe andaj nuk duhet lejuar asesi qe te konkretizohet!
- Edi Rama po behet pjese e ketyre agjendave dhe eshte bere nje kukull e Vucicit, andaj duhet ta ndalim para se te behet vone.
- Kosova ka akoma plage te hapura per te cilat Vucic eshte nga pergjegjesit kryesor. Pervec kesaj, ai edhe mohon krimet, masakrat dhe gjenocidin e kryer ndaj shqiptareve te Kosoves ne lufte, andaj nuk eshte i denje qe te pritet ne Tirane e aq me pak qe te bashkepunohet me të”, kishte listuar Berisha arsyet e protestës kur e kishte thirrur atë.
Protesta do të nisë nga selia e Partisë Demokratike dhe do të vazhdojë drejt Kryeministrisë