20:21 / E Mërkurë, 06 Korrik 2022 / GF

Pse ka më shumë gjasa të keni diarre gjatë verës – dhe si ta parandaloni?

Kur jashtë është shumë vapë, gjëja e fundit që dëshironi të bëni është të vraponi për në tualetin më të afërt. Fatkeqësisht, “diarreja e verës” u ndodh shumë njerëzve dhe është relativisht e zakonshme

Çfarë e shkakton diarrenë gjatë vapës?

Besojeni ose jo, koncepti i “diarresë së verës” ishte në fakt shumë më i keq rreth një shekull më parë. Për shembull, sipas një studimi të vitit 2020 të botuar në revistën Explorations in Economic History, ekzistonte rasti i sëmundjes vdekjeprurëse, virale dhe bakteriale të njohur si “diarre e verës”, që ishte jashtëzakonisht e zakonshme midis viteve 1910 dhe 1930. Këto raste ishin më vdekjeprurëse për fëmijët, por përfundimisht sëmundja u zbeh sepse masat e pastrimit të ujit dhe të sigurisë ushqimore u bënë më të fuqishme.

Diarreja e verës vazhdon të jetë një problem në mbarë botën, sipas Journal of Clinical and Medical Images. Studiuesit shpjegojnë se shkaqet e shumë prej këtyre sëmundjeve nuk janë kuptuar plotësisht, por spekulohet se kushtet e muajve të verës potencialisht lidhen me faktin që patogjenët mund të mbijetojnë dhe të përhapen.

Kur trupi juaj përballet me nxehtësi dhe lagështi të lartë, ai mund të kalojë në një gjendje të “stresuar” për t’u përpjekur të rregullojë përsëri temperaturën bazë. Për disa, ky “stres” shfaqet në simptoma si fryrje, dhimbje barku dhe diarre.

Disa njerëz kanë gjithashtu atë që quhet mbindjeshmëri termike, që i bën ata më të ndjeshëm ndaj nxehtësisë së shtuar dhe ndryshimeve në temperaturën e trupit, gjë që mund të çojë në më shumë siklet dhe shtim të simptomave.

Çfarë mund të bëjnë njerëzit që janë të prirur për të patur diarre të shkaktuar nga vapa?

Nëse diarreja nuk përmirësohet brenda pak ditësh, është e rëndësishme të kërkoni kujdes mjekësor, pasi mund të sinjalizojë një sëmundje të rëndë siç është helmimi nga ushqimi.

Për të reduktuar rastet e sëmundjeve të shkaktuara nga ushqimi, mos konsumoni ushqim që është lënë jashtë frigoriferit për më shumë se dy orë, gatuajeni mishin tërësisht dhe sigurohuni që të lani duart përpara se të përgatisni ose konsumoni ushqimin.

Përpiquni të ulni temperaturën e trupit tuaj sa më shumë që të jetë e mundur: Hidratohuni mirë, pushoni në hije ose merrni pak pushim nga stërvitja.

Përdorimi i peshqirëve të lagur me ujë të ftohtë, shpëlarja e qafës dhe kyçeve të dorës me ujë të ftohtë, do ndihmojnë gjithashtu në rregullimin e temperaturës së trupit.

Mund të jetë gjithashtu e dobishme të dini se moti më i nxehtë mund t’i bëjë disa njerëz më të ndjeshëm ndaj një sërë problemesh me tretjen, kështu që mund t’ju duhet të shmangni shkaktarët e tjerë në ditët kur do të jetë nxehtë. Shkaktarë të tjerë të zakonshëm të diarresë përfshijnë alkoolin, ushqimet pikante, ushqimet me yndyrë të lartë dhe sasi të mëdha ushqimesh me fibra.

Mos harroni se hidratimi është *shumë* i rëndësishëm: Duhet të siguroheni që po merrni mjaftueshëm ujë dhe elektrolite në sistemin tuaj.