Pse Turqia do që të pushtojë rajonin kurd, në Siri?

Për shumë njerëz në Shtete të Bashkuara, Evropë dhe ë Australi, kurdët e Sirisë Veriore njihen si luftëtarë të vijës së parë në betejën për të mposhtur grupin terrorist të Shtetit Islamik.

Atëherë, pse Turqia tashti dëshiron të pushtojë Sirinë Veriore dhe të detyrojë grupet kurde jashtë?

Në thelb, Turqia thotë se forcat kurde janë vetë terroristët. Pjesa më e madhe e njësive në Forcat Demokratike Siriane vinin nga “Njësitë e Mbrojtjes Popullore” kurde, ose YPG.

Turqia thotë se YPG-ja është krahu sirian i lëvizjes nacionaliste kurde, Partia e Punëtorëve të Kurdistanit (PKK), një grup terrorist i listuar në Turqi, Shtete të Bashkuara, Bashkimi Evropian dhe Australi.

“Nuk ka dallim, (ata kanë) të njëjtën ideologji, të njëjtin qëllim politik”, i tha brigadierit të përgjithshëm të Ushtrisë Turke Nejat Eslen ABC-së,transmeton IndeksOnline.

Turqia ka qenë duke luftuar me një kryengritje kurde udhëhequr nga PKK-ja, në të cilën rreth 40.000 njerëz kanë vdekur, që nga viti 1984.

Midis viteve 2015 -2016, PKK-ja luftoi një fushatë të përgjakshme të luftës urbane në qytete me mbizotërimin e kurdëve kundër forcave turke të sigurisë që la më shumë se 4.000 veta të vdekur, sipas Grupit Ndërkombëtar të Krizave.
Ka rreth 30 milionë kurdë që jetojnë në Lindje të Mesme, me gjysmën e tyre që jetojnë në Turqi. PKK-ja dëshiron të drejta më të mëdha kulturore dhe politike për ta dhe u formua me qëllimin për të krijuar një shtet të pavarur kurd në rajon.

“Ata duan të shkatërrojnë një pjesë thelbësore të Turqisë”, tha Omer Kzkizilcik, një specialist i Sirisë në fondacionin SETA./IndeksOnline/