PSG-ja e nis mbarë play-offin

Paris Saint-Germain ka marrë fitore kundër Brest në ndeshjen e parë të “playoff”-it të Champions League. 

Ndeshja është mbyllur me rezultat 0-3. 

Që në fillim Brest ka qenë pranë golit, kur një pastrim i Gianluigi Donnarumma është përplasur në kokën e Ludovic Ajorque dhe ka përfunduar shumë pranë shtyllës.

PSG ka përfituar shpejt nga ky moment, duke kaluar në epërsi në minutën e njëzet e tretë me një penallti të realizuar nga Vitinha. Ky njëmbëdhjetë metërsh ka ardhur pas një ndërhyrje me dorë të Pierre Lees-Melou, i cili e ka ndalur një gjuajtje të Ousmane Dembele pranë vijës së portës.

Brest, që po përjeton sezonin e parë në garat evropiane, ka qenë shumë afër barazimit pak para pushimit, kur Abdallah Sima e ka goditur shtyllën me kokë. Megjithatë, PSG e ka ndëshkuar sërish, me Dembele që ka shënuar në fundin e pjesës së parë për ta dërguar ekipin e tij në dhomat e zhveshjes me avantazh të dyfishtë.

Në pjesën e dytë, Brest është përpjekur të rikthehet në lojë dhe madje ka menduar se ka shënuar me Desire Doue, por goli është anuluar për pozicion jashtë loje.

Në minutën e gjashtëdhjetë e gjashtë, PSG e ka vulosur fitoren me një tjetër gol nga Dembele.

Sonte zhvillohen edhe tri ndeshje të tjera.