PSG me njoftim të rëndësishëm për dëmtimin e Neymar
Neymar do ta vazhdojë rehabilitimin e tij nga dëmtimi në këmbë në Brazil, por do të mbetet nën mbikëqyrjen e stafit mjekësor të PSG. Kështu ka konfirmuar klubi parizien.
Futbollisti pritet të mbetet jashtë fushave edhe shtatë javë të tjera, kohë në të cilën beson ta kalojë dëmtimin e pësuar në ndeshjen e “Coupe de France” në Strasburg, më 23 janar.
Bom te ver fera @ThiagoBrazPV ? pic.twitter.com/bwECPeQkDG
— Neymar Jr (@neymarjr) February 16, 2019
Në një deklaratë në faqen zyrtare të klubit kampion të Ligue 1, thuhet: “Neymar Jr do ta vazhdojë riaftësimin në Brazil, nën mbikëqyrjen e stafit mjekësor të PSG. Klubi ka vendosur ta dërgojë Neymar Jr në Brazil për 10 ditë. Sulmuesi do të largohet këtë të enjte, i shoqëruar nga një ekip mjekësor i PSG, për të vazhduar trajtimin specifik, që e ka nisur tashmë në Paris dhe Barcelonë, që nga fundi i janarit”.
Neymar shënoi 13 gola në 13 ndeshje të Ligue 1, përpara se të dëmtohej. Ky dëmtim është i ngjashëm me atë që pësoi në një fazë të njëjtë të sezonit 2017-2018. Deklarata e klubit vazhdon: “PSG tregon përsëri mbështetjen e plotë për Neymar Jr dhe përshëndet vendosmërinë që ai ka treguar nga fillimi i riaftësimitnga dëmtimi”.
Club communication – @NeymarJrhttps://t.co/qwbQCtqLrc
— Paris Saint-Germain (@PSG_English) February 21, 2019