PSG nuk e harron Messin, e uron për ditëlindje
Lionel Messi sot feston ditëlindjen e 36-të.
Sulmuesi argjentinas javë më parë ka njoftuar se do të vazhdojë karrierën te skuadra amerikane, Inter Miami, pas dy viteve të kaluar te Paris Saint-Germain, shkruan IndeksOnline.
Pavarësisht largimit, klubi francez e ka uruar Messin në rastin e ditëlindjes.
“Gëzuar ditëlindjen Leo”, shkruhet në postimin e PSG-së në faqen zyrtare, ku është shoqëruar me një video me golat më të mirë të “pleshtit” me skuadrën parisiene.
Messi bëri 75 paraqitje zyrtare me fanellën e PSG-së në të gjitha garat, duke shënuar 32 gola dhe ka bërë 34 asistime./IndeksOnline/