Pushtimi kinez i Gjermanisë: Bli një makinë elektrike, merr dy!

Në Gjermani filloi një fushatë shitjesh që rrallë shihet. Prodhuesi kinez i makinave MG po dhuron makina elektrike.

Me çmimin e një, ju merrni dy makina elektrike të modelit MG4 Electric, i cili është një bestseller në tregun gjerman.

Për ata që blejnë një makinë elektrike MG4 në Gjermani deri më 31 korrik 2024, ata do të marrin një kopje të dytë pa pagesë, shkruan Indeksonline.

Si klient, ju më pas merrni një makinë të dytë në formën e një marrëveshje qiraje katërvjeçare falas. E vetmja gjë që në fakt duhet të paguani është 988 euro për shpenzimet e transportit.

Modeli MG4 është bestselleri i kompanisë në Gjermani dhe ishte makina e dytë më e njohur elektrike në vend në qershor pas Volksëagen ID.3.

Modeli MG është i disponueshëm në pesë versione të ndryshme me tre madhësi baterish. Modeli bazë në Gjermani kushton 34,887 euro me bateri 51 kwh./Indeksonline/