09:15 / E Hënë, 21 Shtator 2020

Qeveria ndan 70 mijë euro për librat në gjuhën shqipe për nxënësit në Preshevë

Në mbledhjen e Qeverisë së Kosovës është marrë vendim që të ndahen 70 mijë euro për blerjen e librave në gjuhën shqipe për nxënësit e Luginës së Preshevës.

Është zv/ministri i Financave, Agim Krasniqi i cili tha se kanë komunikuar me zyrtarë të ministrisë së Arsimit në Shqipëri dhe shuma totale për blerjen e librave për nxënësit në Luginë, është 140 mijë euro dhe për këtë shumë janë pajtuar që ta ndajnë në mënyrë të barabartë.

“Këto mjete planifikohen të ndahen nga rezervat shtetërore për mbulimin e kostos për librat e gjuhës shqipe për nxënësit e Luginës së Preshevës”, shtoi Krasniqi./Indeksonline/