Qytetarët e dëmtojnë pemën në shesh që zëvendëson mbjelljen e 70 drunjve (Foto)

Nuk është bërë ende as një javë, prej kur inovacioni “Te Pema” është vendosur në sheshin “Zahir Pajaziti”. Por, qytetarët kanë filluar ta dëmtojnë këtë pemë e cila e zëvendëson mbjelljen e 70 drunjve, projekt ky i realizuar nga studentët e Fakultetit Teknik të Universitetit të Prishtinës.

Udhëheqësit e faqes “Te pema” në Facebook, kanë shpërndarë disa fotografi në të cilat shihet se qytetarët kanë filluar ta dëmtojnë këtë projekt.

Ata u kanë bërë thirrje qytetarëve që ta ruajnë dhe vlerësojnë, sepse ky është produkt i vendit dhe është në dobinë e të gjithëve.