Rama bën provën e parë, për shkarkimin e komunikacionit në Prishtinë
Një nga premtimet e kryetarit të Prishtinës, Përparim Rama ka qenë edhe shkarkimi i komunikacionit në kryeqytet.
Në këtë drejtim, komuna e Prishtinës ka njoftuar se nga nesër do të fillojë një javë testuese e ndryshimit të rrugës njëkahore “Hekurudhat” dhe rrugës “Magjistrale M2” në pjesën e rrethrrotullimit në hyrje të Prishtinës, në rrugë dykahore.
“Shihni në fotografi për t’u informuar saktësisht për vendndodhjen e kësaj rruge”, thuhet ndër të tjera në njoftimin e komunës së Prishtinës.
Njoftimi i plotë:
Të nderuar qytetarë,
Ju njoftojmë se nga nesër, me datë 08 prill 2022, nga ora 08:00, do të fillojë një javë testuese e ndryshimit të rrugës njëkahore “Hekurudhat” dhe rrugës “Magjistrale M2” në pjesën e rrethrrotullimit në hyrje të Prishtinës, në rrugë dykahore.
Shihni në fotografi për t’u informuar saktësisht për vendndodhjen e kësaj rruge.