Rama takon Latifin, tregon se kur pritet të fillojë ndërtimi i Spitalit të Prishtinës

Kryetari i Komunës së Prishtinës, Përparim Rama është takuar me Ministrin e Shëndetësisë, Rifat Latifi ku është disktuuar për ndërtimin e Spitalit të Prishtinës.

I pari i kryeqytetit ka njoftuar Spitali i Prishtinës pritet të fillojë së ndërtuari në fillim të vitit 2023.

“Bashkë me Drejtorin e Shëndetësisë, z. Izet Sadiku dhe me bashkëpunëtorë, u takuam me Ministrin e Shëndetësisë, z. Rifat Latifi, me të cilin diskutuam për ndërtimin e Spitalit të Prishtinës dhe bashkëpunimin në fushën e shëndetësisë sekondare. Punimet për Spitalin e Prishtinës janë duke ecur sipas planit dhe presim që ndërtimi të fillojë gjatë vitit 2023”, ka shkruar Rama në Facebook./Indeksonline/