Ramadani: Humbëm por nuk e turpëruam futbollin e Kosovës
Feronikeli u eliminua nga Liga e Kampionëve pasi u mposht nga skuadra uellsiane, The New Saints.
Trajneri Zekirija Ramadani ka thënë për RTK se skuadra e tij bëri lojë të mirë por u ndëshkua atëherë kur po luanin mirë.
“Më vjen keq për futbollistët që dhanë maksimumin por nuk u kualifikuan dhe tifozët që erdhën në stadium.
Nuk është hera e parë që një skuadër që luan mirë penalizohet në fund.
Lojtarët dhanë maksimumin dhe kundërshtari luajti më dobët se në ndeshjen e parë, por jo gjithmonë fiton ata që luajnë mirë.
Banëm paraqitje të mirë, nuk turpëruam Kosovën dhe Feronikelin dhe në vitet e tjera një skuadër tjetër ose ne do të vazhdoj në rundin tjetër”.
Kampionët e Kosovës nuk janë larguar nga garat evropiane pasi që do të vazhdoj garën në Europa League. /IndeksOnline/