12:13 / E Martë, 23 Shkurt 2021 / FG

Rasti “Monstra”, burgim të përjetshëm për tre të akuzuar

Gjykata Penale në Shkup ka dhënë vendimin për rastin “Monstra”, ku Alil Demiri, Afrim Ismailoviqi, Agim Ismailoviqi dënohen me burgim të përjetshëm. Haki Aziri me 9 vjet burgim, ndërsa Fejzi Aziri me 15 vjet burgim. Sami Luta është liruar nga aktakuza.

Pas vendimit të Gjykatës Penale për rastin, përfaqësuesja e Prokurorisë, Fatime Fetai ka kërkuar paraburgim pët katër të dënuarit.

Rasti “Monstra” ka të bëjë me vrasjen e pesëfishtë në liqenin e Smillkovës ndodhi në prill të vitit 2012 dhe për këtë vepër disa nga gjashtë të akuzuarit ishin dënuar me burgim të përjetshëm e disa me dënim maksimal.

Rasti “Monstra” është kthyer në rigjykim në fund të vitit 2017, ndërsa i ka paraprirë afera e përgjimeve në vitin 2015 nga ish-lideri i atëhershëm i opozitës maqedonase, Zoran Zaev, i cili kishte deklaruar se ka dëshmi se të akuzuarit për këtë rast mund të jenë të pafajshëm.

Por, tani Zaevi ka deklaruar se asnjëherë nuk ka thënë se persona të tjerë e kanë kryer aktin, apo se këta janë të pafajshëm dhe se për këtë rast fjalën e fundit e kanë organet e drejtësisë.