Risi në formacionin e Kosovës ndaj Ukrainës
Risitë vijnë kryesisht në mesfushë, pasi mbrojtja pritet të jetë e njëjta si në ndeshjen e fundit me Finlandën.
Risia më e madhe mund të jetë debutimi i Besar Musollit, i cili ka gjasat më të mëdha për të zëvendësuar të lënduarin, Enis Alushi, shkruan GO.
Valon Berishën për herë të parë nuk do ta shohim në fushë, por vendin e tij pritet ta zë Bersant Celina, që po shijon formë të mirë me Ipswich Town në Championship.
Një tjetër titullar pritet të jetë Besar Halimi, i cili dje pësoi lëndim në stërvitje, mirëpo nuk pritet ta rrezikojë për të mbetur jashtë, pasi lojtari ka stërvitur edhe dje.
Ai pritet të vendoset në krahun e majtë, aty ku ishte konkurrenca mes Bernard Berishës dhe Arbër Zenelit.
Në sulm balotazhin pritet ta fitojë i vetëm Vedat Muriqi. Ky është formacioni 4-2-3-1, por Bunjaku ka paralajmëruar se mund të luajë edhe me dy sulmues.