22:48 / E Shtunë, 23 Dhjetor 2017 / indeksADMonline

“Zonja e Vjetër” mposht Romën me ish lojtarët e tyre!

Juventus ka fituar derbin e xhiros së 18-të në kuadër të Serie A ndaj Romës.

Vendasit fituan me rezultat 1-0, me golin e marokienit Mehdi Benatia në minutën e 18-të.

Në vazhdim Roma u hodh në sulm për të gjetur golin e barazimit, por një mundësi e mirë u shpërdorua nga Stephan El Shaarawy (27′), i cili nuk u tregua i saktë nga afërsia dhe skuadrat shkuan në pushim me rezultat minimal.

Në pjesën e dytë, rastet e parë u treguan për Gonzalo Higuain (52′) dhe (68′), por në dy rastet dështoi të gjej rrjetën.

Në vazhdimin e pjesës së dytë edhe Roma pati raste të mira për ta barazuar rezultatin me anë të Edin Dzeko (71′) dhe Alessandro Florenzi (80′), por goditja e të parit përfundoi në portë dhe e të dytit u ndal nga traversa.

Roma kishte shansin ideal në fund ndeshjës, pasi çeku Patrick Schick ishte i vetëm me portierin Sczesny, por ky i fundit bëri një pritje fantastike.

Me këtë fitore Juventus ngritet në vendin e dytë me 44 pikë, 1 pikë më pak se Napoli.

Ndërsa Roma mbetet në vendin e katërt me 38 pikë, por me një ndeshje më pak të zhvilluar. /IndeksOnline/