Ronaldo ende po i ‘ndihmon’ Real Madridit, tre golat e portugezit i sjellin para ‘Mbretërve’
Cristiano Ronaldo impresionoi të gjithë me performancën e tij kundër Atletico Madrid. Portugezi shënoi tre gola duke i ndihmuar skuadrës së tij që të kaloj tutje.
Por me tre golëshin e tij, Ronaldo i ndihmoi edhe skuadrës së tij, Real Madrid, transmeton Indeksonline.
Sipas një artikulli të ‘The Sun’, ‘hat-tricki’ i Ronaldos i solli kampionit të Evropës plotë 540.000 funta.
Këto para vijnë nga ‘Të Drejtat Televizive’ që jepen nga ‘Liga e Kampionëve’. 15% e të gjitha parave shpërndahen për ekipet spanjolle.
Zakonisht ekipet që kanë qenë më lartë sezonin e kaluar marrin më shumë para. Atletico Madrid përfundoi para Real Madridit sezonin e kaluar, prandaj edhe pritej që të fitojnë më shumë në këtë aspekt.
Por tre golëshi i Ronaldos i ka prishur punët Atleticos duke e vendosur më lartë Real Madridin.
Ekipi spanjoll që ka fituar më së shumti nga ‘Të Drejtat Televizive’ ka qenë Barcelona./Indeksonline/