Ronaldo i dëshpëruar, kërkon kalimin te Manchesteri
Gazeta ‘As’ thotë se Cristiano Ronaldo ka vendosur të largohet nga Real Madrid për të shkuar te Manchester United .
Sipas gazetës së lartpërmendur, klubi anglez tashmë është në dijeni për dëshirën e portugezit për t’u kthyer në ekipin në të cilin luajti nga 2003 deri në 2009 dhe vendimi i është komunikuar tashmë disa kolegëve.
Ronaldo në këtë situatë ndjehet i mashtruar nga drejtuesit e klubit, shkruan indeksonline.
Pas finales së Cardifit kundër Juventusit, ku fituesi i Topit të Artë shënoi dy gola, presidenti i klubit, Florentino Perez i kishte premtuar përmirësim të kontratës.
Megjithatë, ky rinovim nuk ka ardhur, pavarësisht faktit se lojtari ka bërë disa thirrje për vëmendje, shkruan gazeta.
Përveç kësaj, do të ishte e bezdisshme për shkak se klubi u përpoq në verë nënshkrimin e Mbappé për ta zëvëndësuar atë dhe tani përpiqet ta bëjë atë me Neymar .
Ai gjithashtu e konsideron të padrejtë të mos paguhet sa Messi dhe Neymar.
Portugezi është futbollisti i pestë më i paguari në botë, por larg nga shifrat e kundërshtarëve të tij. /IndeksOnline/