Rrahje në Prishtinë, shoqërohen dy persona në Polici

Një rrahje mes disa personave ka ndodhur mbrëmjen e kësaj të marte në rrugën “Enver Maloku” në Prishtinë.

Zëdhënësja e Policisë për rajonin e Prishtinës, Flora Ahmeti, për IndeksOnline ka thënë se në stacion policor janë shoqëruar dy persona.

“Informata është pranuar rreth orës 21:30, për një rrahje të ndodhur në rrugën “Enver Maloku” në Prishtinë. Policia ka dalë në vendin e ngjarjes ka ndërmarrë veprimet e nevojshme dhe ka shoqëruar në stacionin policor dy persona. Aktualisht po trajtohen rrethanat e ngjarjes”, tha ajo.