12:35 / E Premte, 24 Janar 2020

Rrugëtimi i pabesueshëm i Haalandit

Sensacioni i këtij sezoni, makineria e golave, talenti 19-vjeçar, Erling Braut Haaland po tregon formë të jashtëzakonshme këtë edicion.

Që në debutim me ekipin e ri, Dortmund, ai realizoi het-trik.

Por, rrugëtimi i tij deri këtu nuk ishte edhe aq i lehtë.

Ai në fillimet e tij iu bashkua Akademisë së klubit të vendlindjes, Bryne. Gjatë sezonit 2015-16 Haalandi luajti për skuadrën rezervë Bryne FK 2 ku bëri përshtypje, duke shënuar 18 gola në 14 ndeshje. Shfaqjet e tij për ekipin e rezervistëve e çuan atë në debutimin e tij me ekipin A, mosha 15 vjeç, Hålandi bëri debutimin e tij Bryne më 12 maj 2016.

Më 1 shkurt 2017, Molde FK njoftoi nënshkrimin e Haalandit.

Ai bëri debutimin e tij më 26 prill 2017 në ndeshjen e Kupës Norvegjeze kundër Volda TI . Haalandi shënoi golin e tij të parë për Molden në debutimin e tij në fitoren 3–2 kundër Volda. Debutimi i tij në ligë erdhi më 4 qershor 2017 kur ai hyri si zëvendësues në minutën e 71-të kundër Sarpsborg 08 . Mori një karton të verdhë pas 65 sekondave në fushë. Haaland shënoi golin e fitores në minutën e 77, një gol i cili ishte goli i tij i parë në elitën e futbollit norvegjez.

Haalandi e përfundoi sezonin e parë me Moldenin me 4 gola në 20 paraqitje.

Më 1 korrik 2018, Haalandi shënoi 4 gola kundër Brannit brenda 21 minutave të para të lojës, duke siguruar skuadrës së tij një fitore 4–0 si mysafir ndaj liderëve të pamposhtur të ligës në atë kohë. Hat-tricku u shënua në 11 minuta e 2 sekonda dhe të katër golat në 17 minuta e 4 sekonda. Një skaut i Manchester United-it ishte i pranishëm në këtë ndeshje. Menaxheri i Molde FK Ole Gunnar Solskjær pas lojës krahasoi stilin e lojës së Hålandit me Romelu Lukakun dhe zbuloi se klubi kishte refuzuar disa oferta për Hålandin nga klube të ndryshme.

Më 19 gusht 2018 klubi austria Red Bull Salzburg njoftoi se Haalandi, do t’i bashkohet klubit më 1 janar, duke nënshkruar një kontratë pesëvjeçare. Në 16 ndeshje me klubin, Haalandi realizoi 17 gola.

Haalandi kompletoi transferimin e tij te Borussia Dortmundi disa ditë para afatit kalimtar të janarit dhe që në ndeshjen e parë zyrtare të klubit arriti të shënonte het trik./Indeksonline/