RS Q8 del të jetë më e shpejtë seç ka njoftuar Audi

Është fakt i njohur se disa marka të makinave – veçanërisht ata gjermanë – janë tepër të kujdesshëm kur bëhet fjalë për lëshimin e numrave në lidhje me fuqinë dhe performancën.

Një shembull i ri dhe i rëndësishëm vjen nga Audi me SUV-in e tij më të shpejtë dhe më të fuqishëm ndonjëherë – RS Q8.

Marka nga Ingolstadt mund të thotë se modeli ri kalon sprintin 100 km/orë në 3.8 sekonda, por një test i jetës reale zbulon se në të vërtetë janë dy të dhjetat e sekondës më shpejtë, transmeton IndeksOnline.

Auditography kishte kënaqësinë të testone RS Q8 dhe instaloi një aparat fotografik përballë Kabinës Virtuale për të regjistruar animacionin e dhënë nga grupi i instrumenteve dixhitale.

Pajisja e matjes së vet SUV regjistroi një kohë prej 3.6 sekondash, por një ndërfaqe Vbox në të vërtetë regjistroi një kohë prej vetëm 3.58 sekondash. Është një arritje fantastike duke marrë parasysh që automjeti peshon 2,315 kilogramë pa shofer.

Vbox gjithashtu regjistroi një pistë 0-200 km/orë në 11.71 sekonda dhe një e katërta milje e përfunduar në vetëm 11.85 sekonda. Përsëri, mjaft mbresëlënëse për një automjet kaq të madh dhe të rëndë. /IndeksOnline/