Salihu rrëfen momentin prekës të Vokrrit pas pranimit: Me lot në sy më tha po eci më ndryshe se tash jam anëtar i UEFA-s

Ish-sekretari i përgjithshëm i Federatës së Futbollit të Kosovës, Eroll Salihu e ka kujtuar një rast mjaft emocionues me Fadil Vokrrin, në mëngjesin pas pranimit në UEFA.

Në Budapest, Kosova u pranua në shtëpinë e madhe të futbollit evropian, moment historik për vendin tonë.

Eroll Salihu, në emisionin Kendiv në Televizionin T7 ka rrëfyer një moment prekës me legjendën Fadil Vokrri.

“Në mëngjes pasi u pranuam, isha me Gianni Infantinon, kryetar i FIFA-s. Bisedonim pak, po e shoh Fadilin (Vokrrin), edhe po ece. Ia bona o Fadil Vokrri, çka po ecë ma ndryshe. Edhe për pak i shkunë lot, tha po eci, po eci ndryshe se tash jam anëtar i UEFA-s. Gianni e përqafoi. Njerëzit nuk e kuptojnë se çfarë vështirësie emocionale e kemi pasë”, tregoi Salihu.

10 ditë më vonë pas asaj dite, Kosova u pranua edhe në shtëpinë më të madhe të futbollit në botë, FIFA.